到我po吓！
都係嗰句，自問唔係一個專業嘅和音，因為我啲和音技巧都係靠聽得多、試得多同撞得多自學所得，一般出場同啲歌手jam吓都尚算見得吓人；五線譜？Sorry我唔識睇，喺睇簡普都係勉勉強強嘅情況之下，RubberBand竟然喺2018年揾咗我加入和音團隊，好啦嗰場算係有個意思因爲10年前膽粗粗自薦做和音所以10後叫番我就別有一番意義，但今次Ciao咁大單嘢竟然都有預我，我既驚且喜，驚當然係責任重大，喜就係我成日都想成為RubberBand嘅其中一份子，每一次佢地有演出我都想有個崗位一齊踩，外界什麼屈就呀、降呢呀全部bullshit，我地之間嘅情義您地識條鐵咩講真！我有份參與呢單嘢都係入選咗我10大帶入棺材重要事之一架！😤
由自習到排練到入台到正式，每一次完結都驚嘆：吓咁快完嘅？！咁夜架喇？！當中趣事都唔少，包括：
1. 有晚阿偉喺台上solo時我地喺台下嘻嘻哈哈笑到癲咗，笑咩唔方便講啦！竟然有觀眾話聽到我地笑，老尷😅，不過嗰幾晚我見到大佬正笑得好開懷，我好似好耐都冇見過，突然心頭好暖。
2. 識到Jason Kui，佢除咗結他技術真係好堅之外，如果我冇估錯嘅話，佢應該係低能嘅！所以後台真係好歡樂，仲巧遇佢生日，食足6日蛋榚……
3. 少榮會時常透過耳機比好多提示我地，當RB有幾首歌發揮得好好時少榮就會不禁道出：Amazing！Nice！Very good！同埋有次佢講：大家要好似小肥咁high！怕醜中😳！
喺度我又要鄭重再一次多謝鄭嘉嘉、Angelita、Walter同之前嘅Hermen，佢地絕對一步一步幫我喺專業和音上達標，無限感激！多謝RB四子同Patrick Lui對我無限嘅信任！多謝JKui嘅補習同車出車入！多謝RFlat，尤其係細V同Pete爺比煩到嘔咗十九幾両血！多謝少榮細心嘅安排！多謝台前幕後幫拖衣食無憂！多謝Sunny Idea您地啲同事老闆好有愛！多謝Foodpanda準我地好勝咁叫其他外賣！多謝咁多次以黎不同時代嘅RB戰友！無數次多謝澳門唯聽sponsor比我地嘅超靚ear-mon！仲有重點多謝您～6爺繆浩昌！成日令我又笑又喊X您個guy您話！後台話死都要幫番我拖言論我頂您丫想感動死我呀您XX！
P.S. 圖中係我件戰衣，試衫時姐姐叫我地比幾句RB嘅歌詞佢地，佢哋會放喺件衫度，於是我比咗「黎旭輝」，明就明😏
#rubberbandciao2021 RubberBand 唯聽澳門聽覺及言語中心 - 數碼助聽器 Widex Macau - Digital Hearing Aids
Search